|
“ZNC pen registration a bawl masak lai-in kei ka hel kei hi. Ahih hangin mipite deihsakna tawh teel cingin ka om ciangin, galkap kumpi
hong phiat mah ta leh Zomi mailam ding veina tawh nak takpi in i hamciam ciatna tawh Pasian in hi ciang hon tun pih suak ta hi." Pu Chin Sian Thang
A hun: November 28, 2011 ni-in
A mun: Pu Khual Za Kham inn (Zangkong)
Thulu : Registration ding tawh kisai
Thukong honna: Lutang pi Pu Chin Sian Thang”
“ZNC pen registration a bawl masak lai-in kei ka hel kei hi. Ahih hangin mipite deihsakna tawh teel cingin ka om ciangin, galkap kumpi
hong phiat mah ta leh Zomi mailam ding veina tawh nak takpi in i hamciam ciatna tawh Pasian in hi ciang hon tun pih suak ta hi. Tu lai
tak a I kumpi in registration bawlna lampi hong hon tak ciangin suakta takin i ngimna leh i tupnate i gen theihna dingin registration pen
bawl loh phamawh hi ci-in ka ngaihsun hi. Tua zong a banzom suak zo ning cihna hi loin note leh khangthakte in a ban a zop theih ding cih
ngimna hi zaw hi. Tua ahih manin registration bawlna ding sum leh paai zong a kisap banah thatang zong kisam ding ahih manin, kua mah kikhen loin ma i pan khop ding thupi pen ding hi,” cih leh thu tuamtuam tawh
hong gen ciangin a pai khempeuh lungsim no suahin a gen khempeuh paih
ding om loin kingaihsun pah a, a gen bangbang in sep ding thukimna
kinei pah hi.
Tua bang a kineih ciangin a kisamvat sum tawh kisai-in a nuai bangin
kingah pah hi. Tua banah registration a pian theih ding leh kimuh
khopna kinei kik ding tua ciangin a kisam bangbang thu leh la sum leh
paai vaihawm lai dingin kip sakna kinei hi.
1. Pu Ngul Khan Dal Ks. 50,000/-
2. Pu Hau Kim Ks. 500,000/-
3. Pu Dai Lian Pau Ks. 100,000/-
4. Pu Len Cin Thang Ks. 100,000/-
5. Pu Kap Khen Pau Ks. 100,000/-
Kingah pah hi.
A ciamteh huai thugente
1. ZNC pen kumpi in a phiat ciangin maban deih bangin kizom thei lo a,
EC kua teng hiam ci-in hong kidot ciangin mai ngap peuh a kiman pak
mengmeng ahi hi. Zangkong ah eimi mipil teng leh a hau teng om na hih
manun a kisam sum vai hi ta leh thu hi ta leh nong vaan loh uh phamawh
ding hi. Tua banah registration bawl ding leh hong san uh leh kician
takin EC member zong puahphat (reform)ding ahi hi. Zangkong mah
phualpi in nei Kawlpi, Tamu, Tedim, Tonzang leh Cikha khuapite ah zum
zong hong kul ding hi, (Pu Zen Khup)
2. Zomi sungah politics tawh kisai-in nang bek mah in makai a cing na
hih manin na nung kong zui ding uh hi. (Pu C. Thang Za Tuan).
3. Hih registration neih ding pen sum kisam ahih ciangin bang mah ka
neih loh hangin leiba tampi kawmkal ah Tul sawmnga ka khia ding a, tun
pua lo ka hih manin zing ciangin makaipa ka na pia ding hi (Pu Ngul
Khan Dal)
4. Kei bel galkap lui ka hih manin galkap lugnsim mah kipua lai a,
minam vai tawh kisai-in ka hih bangbangin hong zui ding hing (Bu. Dal
AZBC-Chairman)
5. ZNC ah member ka lut loh hangin ZOMI cih kilo ahih manin ka aituam
ngaihsut hi. Tua ahih manin Komiti kician takin i bawl kik ciangin
sumkem dingin mihau mah seh pah ding hoih ding hi. (Pu Len Cin Thang).
6. ZNC sepna muh khiat zuahzuahna a om loh hangin UNO makaite ahi a,
EU makaite ahi ahi zongin USA kumpi leh kiawplna tuamtuam in ZOMI i
hihna hong theih banuah Kawlgam sung gamvai-in hong pai VIP khempeuh
tawh ZNC lutangpi kimu den hi. Tua banah ZNC thapiakna tawh America
Center leg British Council Zangkong ah sang kah theihna ding mi 100
kim bang ma kihon sak hi (Pu Suan Mang).
Thugen tampi mipi theih dingin a kilawm tam lai lua hi. Ka theih pak
teng kong gen khiat ahi hi. A kisam a om lai behlap huaite hong behlap
lai un.
“Zomi mainawtna ding i vekpi tavuan ahi hi” 
 |
