|
Zomite kipumkhat theihna ding ngimna tawh abeisa 2006 kum akiphuankhia Zomi Football Association (ZOFA) pen tu in kum 6 a cing hi ta hi. Kum simin ZOFA Cup kinei toto a, tu in " a (6 ) veina ZOFA Cup 2011 " zong tukha October 24,2011 (Monday) ni-in Tahan Tualpi ah hon pawi thupitak kibawl ding hi.
Kum simin ZOFA CUP ading gam sung le adiakdiak in gam pua lam pan huhna pia (Donor/ Sponsor) kingen dena, tukum ading Zomi Innkuan USA te in Sponsor hong pia ahih manin ZOFA Cup 2011 akibawl zo ding dinmun ah ki om suak ahih manin, ZIUSA tungah lungdamna lianpi kinei hi. A (6) veina ZOFA CUP 2011 ah Team 17 kihel ding a, Team lutman zong kipiakhin bek tham loin, Group khenna zong a nuai a bangin kinei khin hi.
ZOFA Cup pawipi sungah Kawlpi khua sunga om kumpi nasem Ulian khempeuh kisamin, K.V.B.C. Formation Convenor a sem Rev. Tuang khan Kap pen Chief Guest dingin ZOFA Committee in khensatna kinei hi. ZOFA Cup 2011 tawh kisai gamdang lam thuzasak dingin Norway a om Sia Khampeek (ZOFA EU-Consultant) tung tawnin hong kitangko khia den ding hi.
ZOFA CUP 2011- Akihel ding Team teng:
- Pyidawtha B.C
- Bethel Zomi
- Phai P.C.M
- Phai C.Y.A
- Yauchokwin B.C
- Mualpi Y.F
- A.U.F.C
- Siyin B.C
- Tahan B.C
- Pl.B.C
- Kalay C.Y.A
- Emm.B.C
- D.B.Y.F
- Tedim CMBC
- Phualpi A.G
- Chantagyi B.C
- Galilee AG
Group Khenna:
-Group (A) sunga DBYF pen Dowaichaung Baptist Church
- Group (B) Pl.B.C pen Pinlong Baptist
- Group (C ) AUFC pen Advantist United Football Club hi. Pinlong S.D.A. Conference pan
- Group (D) Emmanuel B.C pen Emmanuel Football Club Emmanuel Baptist pan hi.
- Group (E) CYA pen Catholic Youth Association.
Tukum akipan in ZOFA Selected Team khat kinei ding a Zogam- Kawlgam le Lamka (India) dongah kimawlsak dingin ZOFA Committee in lunggulhna kinei hi. Tua banah ZOFA Committee in gam sung gam pua ah Advisor le Consultant ding mi muanhuai kikoih a, tuate' sung pan Sia Do Khan Khup (ZOFA Coordinator) pen Florida, USA ah November 9- 15,2011 sung leitung gam 200 pan mi 600 in Athletic Cities khawmpi kah dingin USA a zinlaitak ahi hi.
Tua laiah Kawlgam sung Bawlung tawh kisai nasepnate pulaakna leh mailam nasepnopte genkhiatna nei ding cih kiza hi. A ma hangin Chin United F.C te in Kawlgam Bawlung kipawlna ah Chairman ahi U Zaw Zaw tung pan teng 500/ (Lakh 500) ngah uh hi. Mai lamah ZOFA in zong Sia Do Khan Khup tung tawnin lametna tampi kinei ahih manin, thungetna ah mapang ciat ding hi hang.
Tukum a (6)veina ZOFA CUP 2011 ah Sponsor ZIUSA te tung leh thu hong ngetsak ding mipih khempeuh tungah ZOFA Committee min tawh lungdamna lianpi kong puak uh hi. ZOFA Cup 2011 kipat ni akipan kimawlnate nisim in hong kitangko den ding hi.
ZOFA Committee tangin,
Pa Kham Do Dal
General Secretary
Kawlpi
 |
