|
Tutung ZNC kum 23 cinna neek leh dawn khempeuh,teng Austrlia,US,New Zeland pan ZNC te huhna tawh ki bawl zo hi. Kum 23 ih kal suanna pen,Ih biak Pasian leh zomi it te tha tawh hi.Topa min phat hang.Hun pen nitak 2-pm in kipan zo hi.mipi 300 val ong pai in,Rev.13 pawl tuamtuam pan ong ki hel in thu zong ong nget sak uhi.
NLD leh Chin Progressive Party (CPP) pan zong ong kah thei uhi.A lungdam huai mahmah ah khangno ki tam hi.Tedim pan bawlung sui ding ong pai khangno 25 leh kalay University pam Siamsin 20, te ong kihel in ZNC minpua Zomi min tha kingah mahmah cih kimu hi.
Party lam pan in Tonzang, Tedim leh Zangkong pan makaite kikim phial in, EC leh Myone komiti 16 ki pha hi. Hun pen nitak nai 4 pm in kiman hi. Mipi in hon thungetna kinei in, ZNC kum 23 sung ong panpih lungdam kohna, Mailam kalsuam zia ding, Zomi it taktakte Pasian in thupha a piak na’ng kibulphuh in a tawpna ah Rev.En Khan Hau (ZBCM)in ong khup in mipi 400 val in anne hi.
--Zomi Gam thu hang in mat leh hen thuak te ading zong thu kingen hi.
--President Pu Chin Sian Thang in,lungdam kohna tha piakna nei in,
1/ Pasian bulphuh tawh sepn a ahih man in,tu ni ciang Topa hang in kisemsem zo ahihna.
2/ ZNC thu bulphuh thu 4 te ong gen khia hi, ZNC pen zomi nam ta ding hihna , party leh kipawlna mawkmawk leh party khat lel hi lo cih hi.
3/Hih nainganzi na sepn apen Pasian nasepn atawh kibang, Dawi kumpi ahih teh ei peh kha gal dodo tawh kibang, ahih hang David leh Goliat tawh gen teh in, Pasian hanta tawh David in a zawh mah bangin, ei zong ong zo sak ding, thu vaikhak na-ah “Moses leh Joshuahte a galdo na ah a khut a kham teh Mipi in domsak in galzo hi. Tua mah bangin ko zong ka khut uh khamta hong domto sak ding mi kisam hi. Khangnote leh mipi thu ngetna kisam hi”, ci-in gen hi.
ZNC tang in,
Pu Gin Kam Lian
Gen. Secretary, Zomi National Congress
 |
