13 January 2011 ni zingsang lam 10:30-12:30 hun sung National League for Democracy (NLD) zumpi ah Daw Aung San Su Kyi tawh Zomi National Congress (ZNC) makaite kimuh khopna ki nei thei hi. ZNC lam pan in Executive Committee member a om thei teng le Youth pan 3 ka kihel thei uhi. President Pu Chin Sian Thang, General Secretary Pu Gin Kam Lian, Pu Cin Suan Mang, Pu Zam Za Mung, ZNC Youth President Pu Lang Sian Mung, Lia Vung Tawi Cing le Lia Niang Pi d/o Pu Cin Za Khup (late) cih teng ka pai thei uhi. NLD lam pan bel Daw Su le Personal Secretariat ahi U Win Htein tawh ahi uhi .

Kikupna ah vuicing takin kiholim thei in thu tampi mah thukimna ngah hi ung.

1. Nupi nu in Zogam ah Lenggah cingte, Lenggah cin ding asawmsawmte huhna, panpihna hong piaksak ding ahimanin  ZNC in project kician gel sak masa ding. International ah kizuak thei dingin a standard nei Lenggah Tui, Lenggah Keu bawl dan pilna siamna Zomite ading Nupi nu in hong zon sak pah ding.

2. American Centre pan in US$ 15,000 ta Grant hong piak sa uh ahi Tedim ah Sitana Laibusal (Dimtui) le Tuimui ah Laibusal te tawh kisai akisap beh laikung, laidal te akipan akisapna te ah follow up grant om lai na dingin vai hawm khawm ding.

3. American Centre le British Council ah khangto tampi tak in pilna asin theihna dingin vai hawm khawm ding. Zan diak in American Centre ah sangkah ding khangno sigih akipuak pen thum bek hong sang zo uh ahimanin a dangte in zong angah kik zawhna ding vai hawm kik ding

4. Indiana University, Indianapolis, USA ah Scholarship tawh pilna sin theihna ding khangno khat Daw Su in sponsor hong zonsak ding. Ki muhna ah hong kihel thei khangno te bang pen American Centre le British Council ah a laisinte uh level sang lam tung tek khin uh cih Nupi nu in atheih ciangin UK, USA ah sangkah thei zo dingin lung muanna nei pah hi.

5. 30 January 2011 in Kawlgam Bup Khangno Khawmpi kibawl ding ahimanin ZNC pan in Zogam pan Zomi Khangno makai taktakte kah sak theihna ding

6. Hong pai ding ahi Belpawlgam Ni @ Union Day pen NLD zumpi ah bawl ding le A 63 Veina Zo Minam Ni zong NLD zumpi mah ah bawl theihna ding ki thukim thei pah hi. Adiakdiak in Minam Ni bawlna ding mun tawh kisai lungkhamna teng beita ki ci thei napi, amun bek akingah hi pan in, lengla dona ding le adam kisap na tuamtuamte tampi mah om ding ahimanin hih lai asimkha mimal kim in na om na munmun uh panin Thungetna tawh ahi zongin piakkhiatna tawh ahizong in nong panpih tek theih pah ding uh zong hong pulak kawm pah ing.
7. Adang kikupna hon khatte pen gen khiat theih pak ding om lo le ZNC, NLD party pi te gamvai nasep khopna lam ah makaite kiho tuamna te ahimanin hong pulak thei nai lo suak phot hi ung.

Kamlian

General Secretary

ZNC

Information Department

This e-mail address is being protected from spambots. You need JavaScript enabled to view it

14 Jan 2011

Zomi National Congress

Zogam

Comments (2)

Biak Lyan Sang said:

... Hoih ei! Bangteng a kikum zen uh tam maw? Kithei thei leh hoih ngel ding hiven.

June 21, 2011

Lian Tuang said:

... Thu pi sa ing. Hong ham ciam ung ih gam a ding..Nong teng mah hong ki muan hong ki lam en hi... Topan ma kai teng thupha hong pia kim ciat ta hen.

January 17, 2011

Name

Comment

smaller | bigger

Write the displayed characters

Add Comment