|
Sunday, 19 December 2010 22:44 |
 |
 |
 |
|
|
CCJ - CALENDAR HONG KIBAWL DING
|
Tunung deuh a i neih Cope Centennial Jubilee pawipi tawh kisai phawkna
leh muntuam tuama om Zomi te in ih hihtheihna mun ciat pan i mapan
khopnate lahna-in; "2011 CCJ Calendar" cih minvawhin quality neitak
khat a kibawl laitak ahi hi.
Tua sungah hih pawi tawh kisai maan/photo
hoih nono honkhat kiguang a, "Niciamtehna-Calendar" zong kitel sinsen
dingin kigeel ahih manin hong hoih mawh het lo ding hi, cih kimu thei
hi. Tua hi-in tam kibawl sawm lo a, a man ol thei danin kizuak sawm
ahih manin hong tun pepeuh ciangin eima nasepna, i mipihte' dinmun cih
ngaihsunin tha i piak ciat ding kong zawn nuam uh hi.
A beisa a i muhnate pawlkhat koih khia phit ta ni. Laibu sung khatah;
"A mi na muhdah manin a thu nial ke'n la, a thu na deih loh manin a mi
mudah kei in" cih a om bangmahin tutungin hihzah takin Zomibup in a
thupi leh vai lian i neihna sungah makai lam hita leh mihing hihna
tawh kicintaak lohna tampite kimaisakin minam dangdangte' lakah zomi
unausanggam khat ihihna lakin maban nawt to ni, cih zong i kizawn nuam
hi.
Calendar hong suah teh a thu-a-la a kicingin kizasak lai ni. Omna
ciatah Merry Christmas & Happy New Year" ci ni....(Hih Calendar pen a
ziakai pen leh New Year ni peuhmah in kingah zo dingin geelna zong
kinei hi. Thungetna leh thapiakna tawh mapang khawm ni, cih kong zawn
uh hi).
Thupuak, Peter Khampu.
 |
