|
Written by ZOMUS leh ZOZUM
Monday, 02 August 2010 08:20 |
 |
 |
 |
|
|
TSKhai Studio Lasak Zawh Kum 30 cin Liveshow
|
Dear Zomi U Le Nau,
Zomi Gospel Laphuak leh Lasa min thang Pu, Tg TSKhai (53) in Studio ah lasak zawh kum 30 cinna lungdamkoh lasak pawipi (Live show) thupi
takin Yangon Full Gospel Biakinn ah 1 August 2010 (Sunday) ni in bawl hi. Tua lai mun ah Zogam Laphuak
min thang ahi Rev Zogam Lalpu in kipatna thungen in, Lasa siam Sianu Sangpui in hun makai sem a, Lasa siam Sia Lianpi ( Taang' Lungtup),
Stephen Mang ( Stephen Vocal Band), Tg Thangta ( Zomi Idol), Tg Tuatuang ( Stephen Vocal Band), Lia Nutoih
(Zomi Idol Second), leh Lia Zamnu ( MC Part 1) te in TSKhai ii tuma kum 30 lai a kipan a lalui teltuamte sa ziahziah uh a, mipi in
thupisa in nuam sa mahmah uh hi.
Zogam Music siamte ahi Pa Deihpi (Lead, Falcon Band) , Tg Khuppi (Drum, Falcon Band), Tg Piangpi(Bass, FGA), Tg Mungmung (Keyboard, the
late Pa En Lam Cin' tapa) te in nopcitak leh kihual takin tumziahziah uh a mipi ten zaknop leh muhnop sa mahmah uh hi.
Tua hun sungmah in ZOZUM pan Lengtong Pu Kam Khen leh Pu Khup Mung te in ciamnuih tawh mipi maitai sak mahmah uh hi. Tua banah Zozum min
tawh "ZOGAM LAPU" cih minphatna pia uh-a mipi kilungkim mahmah hi. Tua a piak khit akipan a pau peuhpeuh in ZOGAM Lapu ci-in pahtawi in hopih
ziahziah uh hi.
Inntek Pawlpi kem siapipa Rev Mungtawng in zong tha hong ngah mahmah in lungkim lua mahmah ahihmanin a kikhawm khempeuh tungah DVD/VCD bawl
nadingin sumpi donsak pah in mipite'n zong pia khia ziahziah uh hi.
Hih DVD/VCD hong kihawm ciangin thapia in leitek ni cih hong zawn kawm in hih thu kong tangko khia uh hi.
ZOMUS leh ZOZUM
 |
|
Last Updated ( Monday, 02 August 2010 08:23 )
|
