Aizawlah mawtaw khang mahmah : Tkum Jan-July sungin ahi Aizawl District bekbek ah mtor 54,922 kibehlap hi. Aizawlah motor tam lua lua ta-in tai thei nawn lo hi. Hih pen gam makaite lung gimnapi khat hi ta hi. Mizoramah District giat om a, Aizawl District cih ciang Aizawl khuapi kawk diak hi.

Kha guk sung mawtaw khangte a namnam in - Two Wheeler - 30,133, Maruti Car/ Maruti Van - 6,363, Jeep, Bolero, Armada - 5,917, taxi - 5,241, Gypsy - 1,456, MMV (Truck) - 1,161, HMV (Truck) - 1,346, Maxi Cab - 765, Jeep Tata 207- 746, Auto Rickshow - 357, MMV (city bus) – 348.

Aizawlah meileng tung ding

Mizoram in Bairabi khua-a meileng phual khat a neih bek hun sa loin, kum 2014 cianga Aizawl ah meileng a tun zawhna dingin hanciam in, tun meileng lampi sialna dinga survey kisam teng zo ta hi.

Aizawl pana tumlam, k.m. 20 khawnga gamla Sihhmui (Airport road) munah a station kibulh ding hi. Bairabi to Aizawl meileng lampi sauna ding - Km 50.90. Meileng lampi bawlna dingin 2008-09 budget-ah Rs. 5,19,34,00,000/- kikoih hi. Leitang (mual) mun 16 ah kivutlet ding a, tua teng Km 6.476 pha ding a, a sauna pen Km 1.774 hi ding hi. Lui leh guam kanna lei neu 123 leh Lei sau 11 om ding hi. Lampi pen 39 vei kawi ding a, a kawina pen .35 degree-in kual ding hi. Lampi pen metre 80 ciang metre 1 bekin awn ding hi (a suk a to).

Sum awk Tulza-a sim Tul sawmli val

Kum 2007-08 sawnga ‘Chiahpuam’ kici, Mizoramah a meet tampipi nei-a sum koihna pana sum buai sum awk pen Rs. 4,33,00,00,000/- ($ 95 m.) val pha hi. Hih vaiah mi 9,759 kisawh in, collector mi 985 pha a, mi 17 in criminal case ok uh hi. Tu kha (July, 2010)-in palik ten a hih teng uh zo ta uh a, Court lamte siansak ding bek sam ta hi. Tu kum sungin sum a kikhawm man tam ciin kilunghimawh ciat hi. Tun Mizoramah Bank manlo 21 tak om lai ahih manin mipite pilvan kul ciin kumpi in pulaklak hi.

Mizoram in voksa hai pen

Comments (0)

Name

Comment

smaller | bigger

Write the displayed characters

Add Comment