|
1. Tu lai-in Mizogamah India census kipan ta. India kumpi in singnuai mite tawh kitel theihna dingin ciamtehna Unique Identity (UID) bawl sawm a, tua number pen Mizo Khristian pawl khat in Sahang number 666 kipatna ding hi ci-in min a pia ngam lo pawl om cih thu kiza (Sc.mizoaw)
2. Mizoram University a sangsia ding lakna tawh kisai Mizo Student Union (MSU) leh Vice Chancellor (VC) kikal kimuh siam lohna hangin MSU in VC tawp ding leh Mizogam nusia dingin thupia. Tua hangin VC pa pen police in limtakin cing cih kiza (Src: mizoaw)
3. Mizogam Chief Minister (CM) Pu Lalthanhawla pen May 20 ni-in kum 72 a cin lopna a innah bawl a, India PM in zong deihsak khak cih kiza. Pu Hawla pen 4 vei CM a sepna hi ta kici (Src: Zonet)
4. NSCN- IM makai Th. Muivah pen Nagaland leh Manipur gamgi Viswema khua-ah om lai. Manipur gam lut theih hun ding ngakin kileh nuam lo cih kiza. India kumpi in Manipur kumpi tawh kiho dingin palai sawlkik ding kici (Src.: meghalaya times)
5. Manipur ah nisim vanzat kicing a om loh hangin vanleng leh Lamka pana alut pawl khatte hangin nuam tuam cih kiza. Guite Road hoih lo ahih manin May 20 ni-in Silchar pai dingin Jiribam road ah van pua ding Truck 200 pawl galkapte cinna tawh pai cih kiza.(Src:zogam.com)
6. Shillongah Khasi mite in Nepalite tungah khut a khiatna pen thuman lo hi kici. Khasi mi 4 kithatte pen Assam leh Meghalaya gamgi vai-ah Assam poilice te kap lup hi a, Nepalite khua ahih hangin Nepalite tungah khut khiat pen thuman lo hi kici (Src: Meghalayatimes)
 |
