|
Ni Awk in Valh
January 14 ni-in 1:00pm pan 4:00pm dong Kawlgam laizang Pin Oo Lywn khua lam bulphuh in Ni awk in valh in, minutes(10) sung valh tum ci hi.Tedim ah bel 3:05pm pan 3:15pm sung neu mahmah in sehli suah sehkhat bek cian in, valhsiang dektak hi.
Khasum Khang
2010,Jan ,kha a kipan kumpi nasem te khasum mikhat ciang Ks-20000/- ta khangsak a hih man in, ih lungdam pih hi.
Lupna (100) a ta, Zato Innpi
Tedim ah tuma kumthum lai pan, a kilam toto, dawlnih Zato innppi pen ki zosiang dekta a, a sawtlo in ki hong tading hi.Mi tampi cidam na leh phattuam na innpi hongsuah nading, akip akho Innpi a hih nading leh Zomi te sungah siavuan siam, siama siam tampi hong khankhiat nading thunget na ah phawkciat ni.
Tedim Township sung ECCD Training
Kumpi vaihawm na tawh,Tedim gamsung teng Ealy Chilhood Care and Development (ECCD) tentaan pen Jan,15ni pan kipan in, Tentaan sia 28 in mi 245 te Dr.Thuam Khan Thang sang ( Bethel Bible College) ah naupang pattah dan, thuhoih tuamtuam hilhna, Febuary kha ni8 ni dong om ding hi.Phat tuam na tampi om ding cih ki lamen hi.
Tui Naak kibehlap
Tedim khua ii, tuinek Sialtaang tuipen sawtpi pek pan in Galkap ten, hong neekpih uh ahih man in tui kicing lo hi.Tu in ahih leh bel, Galkap te hanciam na tawh Haicin luitui, pipe letmat 3 vang tetawh honglaakbeh uh a hih man in, phatuam mahmah ding in ki lamen hi.Haicin lui pan a, tuilaak na pen Khuainuai ah Sialtaang tuizawl ah kigawm khin ta hi.
Dah pih na
2010, January kha kipatlam in Paakzang khua AG pawlpi mi, Lia Vung Dot Lun, kum(17) leh Lia Hau Khan Huai ,kum(25) tenih Saizangkhua pai, a ciah uh ciang in Gun leitung tawn lo in , a naizaw lei omloh na lam, Meiteigun a kan na uh pan, tui in tai-in a nih un leitung nuntak na pan hong nusia uh hi.11.1.2010 ni-in ki vui hi.A innkuan pih te leh a dah pih khempeuh, ibiak Pasian in hehnep na thupha hong piaksak ta hen.
 |
