|
Pasian in thupha hong pia in lampi tuamtuam tawh US a tungsa kamphen kul lo Zomi te a mimal in 3000 val ta ding in ki lam en hi. Nisim phial mah in hong ki tunbeh den a hih man in mimal phazah kician tak in kigen thei lo aa, khan lam a manawh hi hang. USA gam pen zai mahmah aa ih mun ih mual ki gamla in, khat leh khat ki theihding leh ki kawm ding pen haksa kisa tek hi.
Tua ban ah, ka mel theih te koi teng tung aa koi ah om uh hiam cih a thei nuam zong tampi ih om hi. Zomi sungah vai khat pepeuh hawm nuam le hang ki zop na a baih zawk na ding leh nop na dah na ah ih kizop na a nuam ding ngim na tawh Ocrober 22, 2009 ni in Zomi Innkuan USA Board in Director khat bawl dingin khensatna ki nei hi.
Tu aa pen Zomi Innkuan USA in a bawl masak na hi lo hi. A masa pen 2006 kum in kikai khawm aa a hi zongin sum leh pai haksat na tawh mipi tung ah ki hawm khia zolo hi. 2007 kum ciang in kikai khawm leuleu aa tampi mah kingah hi. Sum leh pai haksat na hang mah in mipi tung ah a ki hawm khiat zuahzuah loh hang in, hong ki ngetna mun te ah pawl khat kikhak aa, July 2007 aa Malaysia ka zin lai in zong, Zomi kipawl na khem peuh ah copy khat tek ka pia hi.
Tukum taktak ciang in Zomi Directory USA 2010 pen Zomi Innkuan min tawh ki thoh ding cih Board in nung kum October kha aa ki khensat khin a hih na dung zui in tuni ciang ciang a list a ki kawikhawm sa 2000 val khin ta aa, tua lam a sai ding aa tavuan (mawh puakna) nei Literature and Information Department te in January 2010 bei ma in a kim thei pen aa kaih khop khit ding a hanciam lai tak uh hi. February 20 ni Zomi na ni aa USA gam bup ah hawm khiat zawh ding a han ciam hi hang.
Literature & Information Departmeng Member te min hih a nuai aa bang a hihi:
1). Pa Vung Lian Mang (Chairman), Tulsa, Oklahoma
2). Dr. Chin Khua Khai, Los Angeles, California
3). Neng Pau, Florida
4). Pil Mung, Chicago
5). Thomas On Sian Mung, Washington DC.
Tuni ciang USA gam bup ah Zomi Innkuan kipawl na mun 21 ah om ta aa, tua mun aa ma kai ciat in a man lang theithei in min sazian leh omna address teng Pa Vung Lian Mang (
This e-mail address is being protected from spambots. You need JavaScript enabled to view it
or Phone 918-906-9274) ah nana contact in nana khak un.
Zomi kipawlna a om nai loh na mun aa te in zong hehpih na tawh hih a tung aa Pa Vung Lian Mang tung ah e-mail tawh a hi zong, phone tawh a hi zong in nana puak pah na ding un hong zasak ing. Dot nop a om leh a kisam bang in hong thei sak un.
Ih mimal nuntak na leh maba ciat ah ih biak pa Pasian in daupai na leh lawhcin na hong pia ciat hen la, a munmun aa Zomi Innkuan kipawl na te zong a cidam leh a khan sau, minam aa ding in nalian pi a semzo ding in hong siam ta hen.
Zahtak na tawh,
Chin Do Kham, D.Min., Ph.D.
President
Zomi Innkuan USA
Tel: 918-409-3963
e-mail.
This e-mail address is being protected from spambots. You need JavaScript enabled to view it
 |
