|
A beisa kum khat sunga Mizogamah Kawlgam mi a kiman 367, tua lakah Kawlgam a kipuakkik 162, kham theih tawh kisai a kiman 33 pha. Feb.27, 2009 ni a Home Minister Pu R. Zirliana in a gen bangin mat a omte galkap khutah a ki-ap kuamah om lo cih thu kiza.
Dec. 5-12, 2009 sung Mizogam Pawlpi lian pen Presbyterian Synod Khoppi Mission Vengthlang Biakinn ah a neih laitak uh hi. Pawlpi kisimna hih bangin kingah.
Pawlpi phazah - 1,247
Innkuan phazah - 1,10,751
Tuiphumsa - 3, 56,270
Pawlpi mi phazah - 5,38,526 (A gam mi phazah 2/3 pha)
Khanna - 3,140 innkuan kibehlap
Manipur gam Evangelical Baptist Convention Pawlpi dinmun
Pawlpi phazah - 148
Tuiphumsa - 30,255
Pawlpi mi phazah - 51,201
1/10 pia mimal - 13,200
December 2, 2009
Mizogam bup Pawlpi makaite kipawlna (Mizoram Kohhran Hruaitute Committee-MKHC) sungah Zomi Baptist Church leh Evangelical Convention Church zong lut thei ta cih thu kiza. Hun sawtpi panin a kiphu hi a, pau tuam zang hihna tawh hong dal niloh uh pen tun hong sang ta uh ahih manin lungdam huai thu khat ahi hi. Hih kipawlna-ah Pawlpi 12 om a, Mizoram Presbyterian Church, Baptist Church of Mizoram, United Penticostal Church, Savation Army, Catholic Church, Seventh Day Adventist, Lairam Isua Krista Baptist Kohhran, Evangelical Church of Maraland, Methodist Church, Congregational Church of India (Maraland) cihte ahi uh hi.
2. Nov. 22, 2009 ni-a Shillong khua pan tai 160 pawl a mi mang Tg. Cin Deih Dal, Tedim pen tu dongin kimu nai lo cih thu kiza. Shillong ZBC Pastor Rev. Gin Lam Thang leh Upa T.K. Suan in a munah pai-in va zong uh a, kimu nai lo hi. A manna mun pen Shillong pan Silchar lam pai cianga zing an nekna Ladrymbai kici khua kiang nai hih tuak hi.
3. Dec. 8 ni a kipanin India gambup Nungaknote Boxing Kidemna (National Youth Women Boxing Championship) 5-veina pen Aizawlah tung ding cih thu kiza. Hih boxing kidemna-ah nungak kum 17-19 kikal hi ding a, a kihel ding mi 100-130 bang pha ding hi ci-in kiza.
Thupuak: Rev. G.K. Nang
Source: ZoNet
 |
