|
Kalay University ah Sang Kihong Ta Ding : Kalay University pan Kum khatna kah dingte Major out a,November 13 ni in kumthumnate aungsazine zong out hi. November 14 ni in kumnihnate zong aungsazine out hi. November 15 ni in kumkhatnate aungsazine out khinta hi. Supply phi dingte zong kisuang ta hi. Supplier te phi hun ding pen a ni kisuang nailo hi.December 2 ni pan sang ki-ap theita ding hi. Sang ki-ap cianga kisam dingte in Passport 8, kiciamna lai(nulepa phalna form) a neilote kisanglo ding hi.
Hih lai(form) adeihte a dingin Student Affairs ah kidawp thei ding hi. Kumkhatna kah dingte in Township Education ii thukimpihna lai zong kisam ding hi. Hih form i phiciangin limtakin le a kician takin i fill theih ding kisam hi. I mark zui-in Major kilaih thei hi. Kalay University ah Major 11 om ahimanin i deih subject tawh kikah thei ding hi. Form fill up dan atheilo i omleh Siamsin Senior te tungah kidong thei hi. December 9 ni ciangin sang kikahta ding hi.
Gyo Ja Taungpankhattan Cih Cinema Falam Khuapi ah Kizaih : Khamtungah veina tak tawh siavuan semin cinate lakah a minthang mahmah siavuan khat i piakkhiatna lungsim siavuan pilna a sincil a kipan, lawmta thum i angsung a om a gui-awh ki-it, kingaihna, mualkuam mualtung a om
Zomi namte i a siangtho a thuman nuntakna te bulphuh in akizaih movies khat Falam le Yangon ah kizaih khinta hi. Hih movies azaih director Sine Zaw Maung Maung in hih kazaih pen tupna tampi tak om hi ka neihuh tha khempeuh le setvan hoihpente tawh ka zaih uh hi. Manglai subtitle bawl ding in leitungbup ah lah theihding hanciam nung ci-in gen hi. Hih movies ah Alinkar Yikyaw i thuleng le Myint Oo Oo Myint i dialog tawh Sine Zaw Maung Maung in zaih a, Nyi Toe, Kyaw Kyaw Bo, Eindra Kyaw Zin, Moe Yuh San le Wai Suh Khine Tein te kihel uh hi.
Hillary Clinton President Obama Sang Hauzaw : American kumpi te sung neihlelam akikanna ah US Secretary of the State, Hillary Clintonin US $ 21.5 million nei a, President Obama in US $ 3.7 million nei in, Hillary Clinton pen Obama sang hauzaw hi cih The Straights Times ten pulak hi. Tua a kikanna ah Vice President JoeBiden in US $ 27000 bek nei a, gam makai Upa 44% pen millionier vive hi a, California gamke Republican makai khat a hau pen hi in, US $ 251 million
nei hi ci uh hi.
Iran Galvan Pua Tembaw Isreal te in Man : Galvan tuamtuam ton a za sim in pua a, Lebanon a om Hizbula hiamgamte omna manawh Iran gampan hong pai tembaw khat Isreal tuipi lam commando galkapte in mankha uh hi ci in November 7 ni in AP thuthang phualpi in gen hi.
ASEAN Upapite le Obama Nov 15 ni Kimu ding : Nov 15 (Sun ) ni in ASEAN gam 10 pan upapite le President Obama Singapore ah kimuh khopna nei ding uh hi. Hih pen ASEAN- American kizopna ah a masapen upapite kimuh khopna ahi hi. ASEAN - American kizopna ah Kawlgam vai in khensatna khat peuhpeuh a pai vai hi nawnlo ding hi ci in White House in Obama ASEAN gamte ah hong tun ma, Nov 9 ni in gen uh hi.
Colonel Khat in Galkap 13 Kaplum : US gam Taxas State a om galphual khat ah lungsimlam tah kisai siavuan a sem khat ahi Colonel Hudson a kici khat in a galkap pih 13 kaplum in tua hangin galkap 30 val in liamna ngah hi ci hi.Amah pen policete kapna thautang tang li in kha a, zato ah omin a nungtakna ahihleh patauh huailo ci hi. Colonel Hudson pen Muslim biakna a lut US galkap khat ahi hi.
A ki cingzaw a simnop leh ZONET pan ki sim thei den hi.
http://groups.yahoo.com/group/zomi/message/45319
 |
