March 3, 2009 ni a, ih patkhiat Zomi Online Directory ah - nong kiheal kimciat man un, ki lungdam mahmah hi. A beisa kha 4 sung in, address thak tampi kibehlap a, Zomite phattuamna ding in, kipawlna tuamtuam, NGO lamte address zong kiguang behlai hi. Tu in, address avekpi kaikhawmsa 500 bangpha ta hi. Zomi Online Directory ah onghawh a, adddress aguang lawm le gualte, address guanding a ongpia, mimal khatciat tung ah, lungdamna thu kong pulak uhi. Kipawlna tuamtuam, Biak Inn kikhopna mun, hun leh nite, mimal Address, cihbang tuamtuam Zomi Directory ah nong guanglutzel ding uh zong, kong thumbeh lai uhi. 

 Limited Access

Directory manpha tak a, ih zatsiam ding, midang namdang ten ong phengzatsak lohna dingin, telephone numbat leh E-mail address te, mi khempeuh in ki en thei lo hi. Directory sung a om khempeuh, akicing in ettheihna ding in, user account  kisam hi. User account bawlna ding in, ih website veilam panga, Login Form ah, “create user" kicina mun pan kibawl thei hi. Na Adddress zong, tua mun pan in, kilaih thei pah hi.

Chin State Directory

Chin State sung a om, telephone numbat teng kaikhawm in, Zomi Online Directory ah kikoih hi. Tu in, address 96 kikoih khinzo hi. Kumpi tawh kisai office telephone numbat, Biak Inn, Bibble Colleges, High Schools, Khua tuamtuam a telephone neite ...mailam ah address atam zawsem, kiguan beh toto ding hi. Hakha, Falam, Matupi, Mindat lam telephone numbat te zong kikaikhawm laitak hi a, mailam ah - Zomi Online Directory sung pan kizong thei ding hi. Tedim khuapi sung a telephone atamzaw kiguang khinzo hi.

Resource Directory

Zomite hamphatna ding, scholarship tuamtuam, NGO tuamtuam te kiang ah, funding zontheihna, bussiness lam a ukte a ding, loans laktheihna, nasep a zongte ading, Employment listings , cihbang tuamtuam ki koih ding a, Zomiten khuamu in, khantohna tampi kineito semsem ding lametna tawh kibawl ahi hi.

Directory Administrator thak

Zomi Online Directory a enkol ding leh akemcing ding Pa Nang Lam Tuang (Calgary, Canada) in ong panpih ahih man in, lungdam thu mipi tung ah kong pulak uhi. Directory tawh kisai, akisam tuamtuam te, ama kiang ah kizasak thei hi. This e-mail address is being protected from spambots. You need JavaScript enabled to view it

Featured Listings

Mipi theihding kilawm zawdeuh leh, a theihuai kipawlna, pahtakhuai makaite, featured listing ah - ong kisuak sak zel ding hi. Tutung in, Zogam khantohna ding a nasem kipawlna ahi, Zomi Economic Planing and Development Agency (ZEPADA) leh Biakna lam makai Bishop Lian Khen Thang , ong kisuaksak hi. Athu kicing a na et theihna ding in, user ID bawl masa in.

1. Zomi Economic Planing and Development Agency 
Zogam leh Zomi khantohna ding, India gamsung a om, Zomite kipawlna kician mahmah ZEPADA ahi hi. ZEPADA kipawlna tangthu, tulai a makaite, contact address>>> Zomi Directory pan, a kicing in ki-en thei hi.
2. Bishop Lian Khen Thang, J.C.D. 
The youngest Bishops in Myanmar.  Dotor of Law (Canan) Roman Catholic a sangpen degree, Kawlgammi lakpan in a ngah masa pen hi. Pontifical Ecclesiastical Academy ( Rome) pan in diplomatic course zong nasin hi. Vantican Diplomatic Representative (Apostolic Nunciature ) in, Madagastar, Bangladesh leh Moroco gamte ah, kum 5 sem hi. Tu in, Zogam ah Axuliary Bishop of Hakha asep laitak hi.

Zomi Directory bawlkhiatna ding in, hun leh thatang, ngaihsutna, sum le pai - abei akisamte , huhnopna lungsim takpi nei a, panpih nuamte ong kimuak den hi. Zomi kipawlna tuamtuamte leh, mimal akuamapeuh in, Zomi Directory kibawl khiatna hang in, Zomi leh Zogam khantoh na ding, pilna siamna sum le pai bawlzo a, nalian tampite semkhiazo ding in, Pasian in thupha tawh ong kalsuan pih hen.

 

 

 

 ZONET pan Minam ading Nasepna dang tuamtuam

• Zomi Bible Online  (In progress) : Online version kibawlsan laitak hi a, ZONET pan-in, kipanpih thei a hih man in, ki angtanpih mahmah hi. www.laisiangtho.com ah ki-en theita ding hi. Tedim Lai Siangtho Desktop Version pen, Will SOL (Will Computers, Tedim & Khen Solomon of www.Zaideih.Com) vaihawmna tawh  2008 in, ong kisuaksakzo hi.
• ZogamNuam.com ( In progress)  : Zomite ading, thuthak - thuthang, thului-thutak, kipawlna tuamtuam, mun leh gam khua le tui deidan om lo - Zomi khempeuh zattheih ding. zogamnuam.com
• Zomi Online Library : Zomi leh Zogam tawh kisai, leitung thu thei huai tuamtuam, documents, newsletters, magazines, tuamtuam pdf format in kikoih khawm hi. Tu in, Zomi library ah laibu 300 val om hi. Tua te, atawn in kien thei, kisim thei hi.
• ZoMail : Gmail tawh kibang, Zomi te zatnuam ding a, kibawl Zomail. Adeih ten, This e-mail address is being protected from spambots. You need JavaScript enabled to view it This e-mail address is being protected from spambots. You need JavaScript enabled to view it ah, na min leh na tenna address, username na deih (Gtn. This e-mail address is being protected from spambots. You need JavaScript enabled to view it This e-mail address is being protected from spambots. You need JavaScript enabled to view it ) ong theisak le cin, ZONET Moderator ten, ong bawlsakpah ding hi. ZONET Moderator khat peuh kiang ahzong kingen thei hi.
• Zomi Yahoo! Groups : The foundation of Zomi International Network, creating an informed society for the last decade, a 21st century organization for Zomi. 2451 members/subscribers as of June 22, 2009.
• Zomi.TV | Melmuh Tongsan ( comming soon)

Comments (5)

Lalboi said:

... Leitungbup a huam ding Zomi Online directory nong bawlkhiat uh thupi mahmah hi. US,Canada leh Myanmar a te tam zaw in - gamdang tuamtuam a te zong a tam theithei ong guanbeh zel lai un. Tunai teng in USA a om Zomi ten Directory 2 bang ki bawl cih za ingh. Zomi Innkuan ten khat, Zomi Association ten atuam a khat bawl cih dan za veng aw? Zomi Online sia ten, Zi te leh ZA te ong gawmtuah un la, kilemna ong bawk le uh teh hoih ding hi. ngaihsutna pak hi e. ki sangsiam ni.

January 24, 2010

lianthawng said:

... lai ram kan ngai tuk. Zogam aw hong ngai lua ingh.

December 18, 2009

kalvinthawng.08 said:

... hi lai ram na dam maw kan ngei tuk cg zei tik te tel ah ton than te ko seh mu na fa kei nih ni khat khat ah cun kan cer ter ko lai lairam na ngeih chiah hlah mu ho nih an nin iang lai lo lai ram kan ngai tuk..

December 18, 2009

pautawng said:

... Ihbiak Pasian in, ong mawksuak sak keita hen.http://www.youtube.com/watch?v=d6OWPNS1yG0

June 24, 2009

pautawng said:

... Zomi Directory ah, address tam semsem in, mipih sapih te omna kithei baih ahih man in, lungdam huai hi. Zogam leh Zomi ading, na sum napai, nagim nathuak nate ong mawksuak sak keita hen.http://www.youtube.com/watch?v=d6OWPNS1yG0

June 24, 2009

Name

Comment

smaller | bigger

Write the displayed characters

Add Comment