|
Written by Khaibawi
Friday, 30 July 2010 00:09 |
 |
 |
 |
|
|
ZONET thupi mahmah kasa hi. |
 Ut takei leng ZOGAM leitang nusia in muntuam gamtuam ah nungkaih veisa in pilna saimna sum leh pai zongdingin sim leh mal zang leh kham leh tuipigal ah iki khenthang hi.I tunna i omna munkhempeuh panin i khuathu i gamthu kiza pahpah theilo ban ah HELLO ciin a kihoupih det theina mun, khua omlopawlzong omlai hi.Tuabang hunciangin ZONET simleng i gam lamthupiangte pawlkhat Sia Thangbawi(Zangkong), Sia Peter Khampu(Kawlpi), Sia Khen(Kawlpi) Sia Hau Thang(Tedim) leh atuamtuam ZOMI a-it avei pawlkhat tein ahun uh leh amau ipsungmah sawkin hongzaksak sawn uh teh lungsim hongnuamtuamsak in ciahding kalbang khatveivei ka ngaklah zungzung mai hi.
ZONET tawh kakizopnop pen 2003 kumpek hita a, anei pawlkhat tekiang ah ahih dingdan theilo ka hihmanin honghihsak dihve kacih leh aw, honghihsak khin-ing honci napi-un ka ngahthei kasimthei peuhmah kei-a lamdang kasa bilbel hi. Tuacibang tengtawh Kum 2007 Bangalore ah Sang kakah lai-in kalawm it Khual Za Lal(Lalpu) tawh nikhat INTERNET katut khop uh leh aman nanei khinkhian in kei-a
dingzong honghih sakin ka cih leh paulo hamlo in hong ngetsak pah a, tuahun panin ZONET tawh akizomthei ka hipan hi.Ngahhak neihak kaki sa mahmah hi. Banghang? Thulimci thuphamawh atheihhuai tampi simkhalo hiveng.
ZONET pen Biakna nasempawlkhat te leh midang pawlkhat tein thupisalo in Pasian thutawh kituak kei ci-in asimnuamlo akizom nuamlo om mawk hi. R.Warren in tuhun ciangin Biakna nasem tein ana sepnamun khua mite ngeina thu lehla atheih masak kei leh anasepna uh picing theilo kuitung theilo dinghi, acih mahbangin ZOMI khat minamkhat i hih leh i nuntakzia i dinmun i khangthu dongnangawn i theih kei leh HALLELUI-AH Ci-in i otot mawk leh ni khatni teh i kisik kik hun hong omthei khading hi. I omna khempeuh i paina khempeuh ah laibu ki puapua zodenlo ban ah i theihsate pawl khatzong kimang ngilhthei ahih manin tuabang hunteh i theihnop khatpeuh ZONET manman in simleng i dot theihdingmi naom, kithei ahih manin kisuang lotakin dongpahleng honghilhpah lel uh hi.
ZONET pen limtakin zangtheileng athupi mahmah ahi hi.Nopna dahna khatpeuh kithei pahin thupi-a tuabang hunteh thuk kiktheihnading aituam Mail ID khattawh theisak pahin tuadungzui in laithuk kik, khak kik theita leng, ZONET asim dangte nawngkaisaklo dinga pauna phunnazong hongtawmtuam pahding hi .
ZOMI tampitak sabuai(table) kim-a tubangin i kihou theihna dingin hongvai hawmkhia U GIN MANG leh asaikha khempeuh PASIAN in hihcibang ngaihsutna hoih ana piak ana neihsakpen hampha mahmah uh kasa hi.ZONET tawh kakizop manin katheihnop thu tampitak kathei a ka nuinui hi. Mailam ah ZOMI te khat lehkhat ki-it semsemna ahih theihnading, hongpian,hongsuah theihnadingin ZONET azang mimal kimin hanciam ciatleng ka lunggulh mahmah hi.
 |
|
Last Updated ( Friday, 30 July 2010 00:18 )
|
