|
Written by Zoland Times
Monday, 28 December 2009 01:42 |
 |
 |
 |
|
|
2010 election hangin Zogam iit kibehlap |
|
Kawlgam galkap hausa te'n 2010 a kitelna bawl ding acih uh ahun naita ahih manin kumpi thak ah phattuamna ngahnuam mi khenkhat gam le minam iitna paulap in Zomi sungah kipei uh cih kiza hi.
Kum 20 pikpek Zogam sung ah politic gen ngam mi tawm mahmah ahihi. Ahizongin tu in election hongnai le Chin Advocacy Network- CAN cih le Chinland Development Company CLDC cih hong ging khia hi. CAN pen Buerocrat lui Pu Thang Za Tuan , Haicin, Tonzang in makaihin CLDC pen Kawl galkap lui Van Kulh akici khat in makaih cih kiza hi. Thupuak kingahna ah Van Kulh pen Zomi Buddhist khat ahihi ci hi. CLDC pen company ahih hang in election masuan a kibawl kici hi.
Tualo mimal a ding sawm laklah Pu Zam Cin Pau(Zozam), Thuklai Khua zong kihel ci in source muanhuai khat pan kiza hi.
2010 kitelna pen SPDC galkapte ukna kipsak nanga kibawl hi in parliament ah galkapte support thei ding teng le mimal gilpi zong teng SPDC in asung thu ah tawsawn kici hi.
Zomi Independent Army - ZIA media department pan Pu Paupu in " Parliament a kawl galkap palai 25% anungthuap ding hon khat tawsawn dingin Than Shwe in anungzuite thupia cih za ung " ci in gen hi. CRPP a kikhai khawm NLD, ZNC, SNLD, ALD le MNDF lam in bel facist constistution puahphat kik ahih kei leh election kalut kei ding uh ci in puangkhia khin ta uh hi. Source: Zoland Times News Network
 |
|
Last Updated ( Thursday, 07 January 2010 06:23 )
|
