|
Ka Zomi pih te aw,
U.S.A. gam sung aa om zomi a tamzaw te-in, tax return kisiau/kingah ta ahih man'in, U.S zomite tuuk tun' hun ih cih thei hi. Kum 17 cingnailo ta a neihzah zui-in, innkuan khat ciatciat-in, sumtangin 1,000 pan 10,000 val bang, kingah hi. Topa Thupha linlian' bek hi. Tu kum November kha ciangin, Tedim khua-ah Cope Topa' Tedim khua hong tun'zaw kum 100 cin' pawi kibawl ding ahihi. Hih pawipi -in a kibawl ngei nailo leh a kibawl nawnlo ding kum 100 cin' pawi ahihi. Mai lam-ah ii bawl leh kum 125 cin'pawi hiding hi. Kum 100 cin'pawi a muak thei dingin (At the right time at the right place) Topa Pasian-in, hong siam ahih man'in Topa phat hang. Cope topa phawkna innpi khat zong a' kilam laitak hi. Topa Pasian tung lungdam' koh kik na-in, ih tax return ngah tung pan-in, za (100) ah khat (1) 1% pan atung siah, ih phal zahzah, zui-in ih kihel ciat ding kong hanthawn nuam hi.
Bang hang hiam cih leh; Biakna lam point of view pan enlo-in, Zolai hong hong bawl sakna lam pan en hileng, Zomi hing a ci mimal khat ciatciat-in, lungdam koh ding mawhpuak a nei hi gige hang!
Cope topa-in, Zolai hong bawl saklo hileh:- Ih mit khuamuh thei nadingin, Sangmang masa te leh Kayin siate-in, Khuasak leh Tongzang khuate-ah, Kawllai sang hong phuan masa uhhi. Sangnaupangte-in Kawllai bek sin (Zolai omnailo) aa, kawllai bekmah thei pah hi. Tuni ciangdong kizom suak hileh, ih Zopau mahmah zong damdam-in hong bei ding aa, ih minam bup-in Kawlpau bek kizangh ding hi. Zomi cih omnawnlo ding hi.
Cope topa-in, Zolai hong bawl saklo hileh:- Tumaa, kum 30 kiimlai a kipan, Kawl kumpi-in, ih Zopau malte Kawllai tawh, a' awsuah zui-in at ding hong hanciam uh hi. A' awsuah lian' tawh ki at thei lohi. Himahleh, Zolai nei lo hileng, Kawllai maltawh ihpau ihham teng at kul dinga, ih Zopau mangthangh ding hi.
Cope topa-in, Zolai hong bawl saklo hileh:- Nang leh kei tuni-in, gamdang leitung mun tuamtuam-ah ih tung kha kei ding hi. Tua ahih ciangin, U.S.A. gam a' om Zomite bek hilo, Tuipi galkaai, mun tuamtuam a'om, Zomi khempeuh-in, ih neisa sumleh paai, thagui thatangh, pilna siamna te ih piak khiat ngeingei ding a hihi.
Cope topa phawkna innpi lamna-ah, Kyat 500,000 (Approx. U.S $ 500) ciang pia/kihel te a min uh phawkna innpi (Memorial Hall) kawm/zuak tungah ki cianteh ding hi. Na min mualsuang na phut nuam hiam?
Ka tha-ngah mahmah na khat hong pulak pong leng: Sia G.K Nang (Rev. Dr. G.K Nang)in, Tulsa khua aom Zomi tetawh holimna ka et leh, sanggam pa khat-in, (A min theilo, mu kha ngeilo, a ma'n zong kei hong theilo ding, hong mu ngeilo ding in um ing) Cope topa tung lungdamna leh lungdam kohna-in, kum 100 Jubilee ah, ih sum beek tawh kihel ngeingei ding, hanthawnna ka muh ciangin, keimahmah-in zong tua bang lungsim nei khalo ka hih lam ka' kiphawk aa, tha ka ngah mahmah hi. Give Thanks to Cope topa and God.
Lungdam!
Khup Khan Thang
5104 Ladbrook street
Norman, OK 73072
U.S.A.
(405) 409 0536
 |
