|
||||
| Dahpa Khuang Minute Khat Nei Hileng! |
|
Zomi khempeuh America ka tungsak ding hi! Boss lungsim, ahih kei leh dictatorial lungsim, autocracy lungsim khempeuh ka phiatmai ding a, ki itna, kilemna, pankhawmna, khat leh khat kihuhtuahnopna, unau sanggam banga nuntakkhawm diamdiamna cihte ka omsak ding hi. Biakna pawlpi khempeuh a up, a muan uh a kibat nak leh kuamah a kimudah thei omlo hi cih lungsim ka neisak ding hi. Zomi Zogam cihcih kullo dingin leitung khempeuh Zogam ka suaksak dinga Zomi lungsim hoih pupa hong nusiatte ka pholh kik dinga, Zomi khempeuh lungsim ah ka guan kik ding hi. Kim leh pam pan i tawk tawm lungsim sia leh kihazatna kihuatna angsungtheihna cihte khempeuh Pupa neihsa Zomi lungsim tawh ka kheksak dinga, Christian suahma pek pan i neih gamtatphate ka tuallengsak kik ding hi. A sia a pha theihcianna leh a dik a diklo theihtelna lungsimte ka guankik dinga, a hoih a pha a gamtatnate bek zat dingin ka tuallengsak ding hi. Satan peuhmah lungama a om nadingin a sia peuhmah leitung pan ka hawlmang dinga, vantungmi peuhmah zualtaka a gamtat nadingin leitung ka nuamsak ding hi. Environmental problems khempeuh ka beisak dinga, tuzawh kum 300 cianga leitung lumlua ding zong ka kipelhsak ding hi. USA te hauhluatna leh leitung uk den a sawmna uh ka maatsak dinga, a kikim in leitung hauhna, pilna, siamna, thuneihna, nasepna te ka uangsak semsem ding hi. A pilzaw a siamzaw omsak lo in mi khempeuh a kikim in ka omsak dinga, nasep gim kullo in Eden Huan bangin mi khempeuh in leitung hoihna leh asungah a piang tawh nuamtakin khua-ul kailo in anne ding uh hi. Vaksuk vaktohna ding vanleng mawtaw kisamlo in utna peuh tun ziauziau theihna akkha kinei dinga, tua akkha zalin kileng ziauziau ding hi. Leitung kimvial in i leng zongin kigimlo dingin ka bawl dinga, tui duh dangtak gilkial hun ciang a damna ding ngah theih ziauziauna ding ciangkang khat ciat ka tawisak ding hi. Natna gimna cih peuhmah leitung ah omlo dinga, lungkham sinkham cih peuhmah omlo ding hi. Lunglen, lungzuan, khuangaih omlo dinga, dahna kahna khitui te ka nulsak ding hi. A kingekbawllua naupang bangin leitung mi khempeuh ka bawl dinga, ahi zongin pil gamtat tek in picing gamtat tek ding uh hi. Ka ngaihsut pak khit theihloh, ka mangngilh a om khak leh ka phawk cianga ka bawlkik pak theihna dingin Dahpa Khuang minute khat dang neih theihna ka behlap zel ding hi. Ka mangngilh khak a om hia? 
Bookmark
Email this
Hits: 1796 Comments (5)
Pa Lian Zo
said:
|
 |
... Lawm Lian n0 Nang ngaih sun thei peuh mah ciai maw.Ahi zong tua Dahpa khuang nei in,ahi lo peuh sep na in nei mawk lecin dah huai phial lo ding maw? - Ken neileng maw- Khamtung ngam zangtam sak ding-Zomi te peuh mah koimah apai loh naangin,khamtung ngamteng kulhpi tawh uum cipding-Zomi te peuh mah mihoih vive suaksak ding-Khamtung leitangh sungpan ahoih theithei suangmanpha piangsak ding.Mi khempeuh hausak ding-Mi khempeuh Pasian thu zui sak ding-Zunee siam bek hilo in,zogam apuah nuam mi vive hi sak ding-Akampi bekbek tawh thu ngente hi lo in,atak tawh nasem vive hisak ding.Leitung gam aki zeel zomi teng,zogam ah ciahsak kik ding.-Dahpa khuangtawh ki bang vanglet na ih neih naang in,Nisim-naisim-in Pasian kiang thungen pah ding. Dahpa khuang pen Topa Zeisu in store ah kemci hi ven-ah ma kiang nget masa kul lo dia.Lawm Lianno. |
Pa Lian Zo
said:
|
... Lawm Lian n0 Nang ngaih sun thei peuh mah ciai maw.Ahi zong tua Dahpa khuang nei in, ahi lo peuh sep na in nei mawk lecin dah huai phial lo ding maw? - Ken neileng maw- Khamtung ngam zangtam sak ding-Zomi te peuh mah koimah apai loh naangin,khamtung ngamteng kulhpi tawh uum cipding-Zomi te peuh mah mihoih vive suaksak ding-Khamtung leitangh sungpan ahoih theithei suangmanpha piangsak ding.Mi khempeuh hausak ding-Mi khempeuh Pasian thu zui sak ding-Zunee siam bek hilo in,zogam apuah nuam mi vive hi sak ding-Akampibekbek tawh thu ngente hi lo in,atak tawh nasem vive hisak ding.Leitung gam aki zeel zomi teng,zogam ah ciahsak kik ding. |
Pa Lian Zo
said:
|
... Lawm Lian n0 Nang ngaih sun thei peuh mah ciai maw.Ahi zong tua Dahpa khuang nei in, ahi lo peuh sep na in nei mawk lecin dah huai phial lo ding maw? - Ken neileng maw- Khamtung ngam zangtam sak ding-Zomi te peuh mah koimah apai loh naangin,khamtung ngamteng kulhpi tawh uum cipding-Zomi te peuh mah mihoih vive suaksak ding-Khamtung leitangh sungpan ahoih theithei suangmanpha piangsak ding.Mi khempeuh hausak ding-Mi khempeuh Pasian thu zui sak ding-Zunee siam bek hilo in,zogam apuah nuam mi vive hi sak ding-Akampibekbek tawh thu ngente hi lo in,atak tawh nasem vive hisak ding.Leitung gam aki zeel zomi teng,zogam ah ciahsak kik ding. |
Pa Lian Zo
said:
|
... Lawm Lian n0 Nang ngaih sun thei peuh mah ciai maw.Ahi zong tua Dahpa khuang nei in, ahi lo peuh sep na in nei mawk lecin dah huai phial lo ding maw? - Ken neileng maw- Khamtung ngam zangtam sak ding-Zomi te peuh mah koimah apai loh naangin,khamtung ngamteng kulhpi tawh uum cipding-Zomi te peuh mah mihoih vive suaksak ding-Khamtung leitangh sungpan ahoih theithei suangmanpha piangsak ding.Mi khempeuh hausak ding-Mi khempeuh Pasian thu zui sak ding-Zunee siam bek hilo in,zogam apuah nuam mi vive hi sak ding-Akampibekbek tawh thu ngente hi lo in,atak tawh nasem vive hisak ding.Leitung gam aki zeel zomi teng,zogam ah ciahsak kik ding. |
Lianno
said:
 |
... Dahpa khuang minute khat sung nei le'ng, dahpa khuang tawh a kibang a zattheih diing 10 ciang beek bawlbeh ning..ha ha |
