|
Written by Administrator
Wednesday, 06 January 2010 20:11 |
 |
 |
 |
|
|
Kum 2010 a ding ZoNet thu bulphuh : Ma Pangkhawm Ni |
 ZoNet Theme of the Year for 2010 : Let's Work Together
1. Kum 2010 sung ah nitaang khuavak ong musak ih biak Pasian tung ah, lungdam ih ko masa hi. A paisa kum 2009 sung in, Zomi te nuntak zia ih et kik ciang in, thu leh la tampi kikhel a, lametna hoih tampi ki nei hi.
2. A paisa hun a, Pasian thuphate phawk in, kum 2010 sung ah Zomite khantohna ding " Ma Pangkhawm Ni" cih thu bulphuh pi ding in Zomi International Network (ZoNet) pan in kong taangko uhi.
3. Kum zalom 21 sung in, Zomite leitung gam tuamtuam ah kiteng in, khua kisat ciat hi. Tua mah bang in, a mun leh gam tawh kizui in kipawlna ki nei hi. Ih upna tawh kituak in biakna pawlpi tuamtuam ki nei tek hi.
4. Tenna khua lehtui, mun leh gam,biakna pawlpi tawh kituak a, Zomi kipawlna tuamtuamte ah thalawp tak in ih kihel ciat ding thupi a, minam khantohna ding in a kisam mahmah thu ahi hi.
5. Kum 2010 sung in, Zomi nam leh Zogam khantohna ding in, Zomi khempeuh in " Ma Pangkhawm Ni" ci in, Zomi International Network (ZoNet) pan in kong zawn uhi.
Zomi International Network
January 5, 2010
 |
|
Last Updated ( Thursday, 07 January 2010 06:39 )
|
