November 23, Kalaymyo, 3:00 PM -  Pu Chin Sian Thang (Zomi National Congress) Kawlpi cidam in hong tung thei cih thu kiza hi. Kawlgambup Zomi Siamsin Kipawlna te vaihawm na tawh Siamsin Seminar III pen, Tedim ah kibawl ding hi. Pu Chin Sian Thang pen  Seminar ah resource person ding a kicial a hi hi. Yangon leh Mandalay pan in siamsinte zong Kawlpi pan in Tedim ah seminar pai ding in ki thawi ngeingai uh hi. Sitnipa ong zinna hang in Siamsinte thalawp thei mahmah uh a, makai te in vanleng tualpi ah vadawn uh hi cih thu, Siamsin thu kizakna pan in ki gen hi.

Siamsin Seminar III kahding Yangon le Madalay Siamsin khangnote November 21 ni zingsang in Kawlpi cidamtak  tung thei uh hi.  Kawlpi Siamsin pan ahithei tengin muak uh hi.

November 24, Yangon 2:00 PM - Tedim ah Siamsin Seminar ah resource person khat ding in Sitnipa u Chin Sian Thang Siansin te in cial uh hi. Kalaymyo Airport ah zong thu tuamtuam ommah tase leh paito thei hi. November 24 ni in Tedim cidam in tung thei hi.. Tedim aa kumpi lam ten tuzan a ihmulo ding uh hita hi. Kawl kumpi lam te'n nakpi tak in khaktan sawm uh ahih man in a Seminar teekteek aa kihel ding zong thupi ngaihsut nawnlo hi cih thu Ygn pan in thu kiza hi.

Siamsin Seminar Resource person ding in, Dr. Thang Za Tuan leh Zozam Cin Pau te zong kisam in - Kawlgam university tuamtuam pan sangnau pang 500 val bang ki hel thei ding kilam en hi.  Tedim ah seminar ni 2 ki nei ding a tua khit teh, Rih khuapi ah excursion pai ding ci uhi.

Comments (0)

Name

Comment

smaller | bigger

Write the displayed characters

Add Comment