ZoNet Writer of the Year 2009 : Rev. G.K. Nang

ZoNet Reporter of the Year 2009 : Tg. M.L. Thang

Zomi International Network (ZoNet) pan in, lai ngelhsiamte, thu leh la kicing a puaksiamte kum sim in, pahtawina kipia hi. January 1 – December 31, 2009 kikal sung in, ZoNet member 2741 tekiang pan lai kigelh avekpi in 7,343 pha hi. ZoNet member te lungkimna bang in, lai gelhsiam penpen leh, thuthak (news) apuaksiam penpen ki telkhia hi. 2009 Reporter of the Year - Tg. Thangboi in hong ngah hi. Writer of the Year - Rev. G.K. Nang in hong ngah hi. Amau nih tung ah “lungdampihna” lai kikhakte baihtak a  kisim thei ding in, zogamnuam.com ah ki kaikhawm hi.

~ ZoNet Awards Committee

Rev. G.K. Nang thusuahte ka sim ciangin, ciamteh ding hiam, kep ding hiamin hoih si e, cih ding vive hi in ka thei hi. Amah tawh kisai Bachelor of Theology, Eastern Tehological College, Jorhat, Assam panin hong zawh tungin ko khua Pangzawl biakinnah thugenna hong nei a, tua lai-in "Lai Siangtho zo" a kicih ciangin Lai Siangtho khempeuh thei khin ding sa in, thupi mahmah kasa hi. Chin Baptist Association ah Youth Secretary, Executive Secretary, sem ngei a, United Theological College, Bangalore ah Bachelor of Divinity zo hi. Tua ciangin Master of Theology,
Switzerlandah zo-in, tu laitak Fuller Theological Seminary-ah Ph.D. zo dek mahmah hi ta hi (adam leh June kha ma in zo ding hi). Mizogam lamah Zomi Baptist Church nuaiah sia ding kisapna hangin CBA pawlpi in Aizawl khuapi-ah Pastor dingin sawl hi. Tua munah Zomite kum bang zah hiam sung Pasian thu tawh makaih hi. Tua zawh ciangin ZBC (Mizogam) Pawlpi-ah
Executive Secretary lawhcing takin sem hi. Siapa in tanu li nei a, tapa khat nei hi.

Tg. Thangboi thu suah a hunhunin kisim thei tawntung ahih manin leh a diakdiak in Kawlgam thu zak theihna hoih penpen khat ahih manin ka lungdampihna ka pulak masa hi. Kei research tawh kisai zong hong lunghihmawhpih ahih manin ka dotnate limtakin hong dawng ngiatngiat a, amah tawh ka kimuh khak loh hangin Zomi tawh kisai hong deihsakna thupi kasa mahmah hi. Hih pahtawina a tangtaak mah hi cih kei mahmah in zong ka thukimpih hi. Thangboi, tampi a pulak zo dingin Topa in thupha hong pia hen.

~ J.M. Ngul Khan Pau, California

~ end ~

ZONET Writer Award ngah Rev. GK Nang leh Reporter Award ngah Thangboi lungdampih mahmah ing. Mailam ah Zomite' ading hong hanciam semsem lai nadingun thum nuam hang.

1. Sia Rev. GK Nang pen, tangthu kepsiam, lungduai le citak, Zomite nuntaak zia a beisa thu le mailam thu ding mu khawm a, lai-at siam ahih teh, piaktak picing takin hong ngah hi. Khanghamta ing ee, ci hetlo in pilnasin zong ahanciam tawntung etteh huai mahmah khat hi. Lungdampih ing. Mai lamah hong hanciam tohzel ding zong ngen nuam ing.
2. Lawm Thangboi pen, Zomi a it ngiat hi a, Zomite nasepna khat peuh a pahtawi siam, positive view a nei tawntung, Zomite a deihsak ngiah khat ahi hi. Music tum zong siam in, Pasian nasepna zong ahih theih zahin hanciam kasak khat hi. Miphak khua khawngah zong gospel pai zel hi. Yangon ka om lai Bass guitar tum ding hong deihsak luat man in, a ma sum bei liang in, Bass lesson cassette le staff notes laibute copy hong bawlsak hi. Hi banginah news kaikhawmin zonet ah hong suah tawntung zong Zomite hong deihsak luat na hi cih ka tel mahmah hi. Lungdampih ing. Hong hanciam semsem ding ngen nuam lai ing.
3. Tutung Award ngah nailo telcing khempeuh zong lungdampih ing. Zomi it le vei thumute vive hi uh in, hong hanciam ciat dinguh ngen nuam ing.
4. Zonet pu teng zong thupisa ing. Lungduai thei uh in, awtol zang lo uh hi. E-groups dang pawl khatte danin kithuneisak diak se lo uh hi. Pilvang le picing ciat uh hi. Hong hanciam suak dinguh ngen nuam hang.

~Tg. Khat Thang, Florida

~ end ~

Tutung Awards pen a kilawm pente geel mah in hong ngah uh ahih manin lungdampih mahmah hang. Makaite zong teelsiam kong sa hi. Laigelh siam ih om kawmikawm lakah hih i sanggamte geel i hong gelhte uh pen thupi leh theih dinga kilawm diak vive ahih manin thangah mahmah den hi. Makaite' lampanin zong ahun uh piakhia mahmah den ding uh ahih manin mi thupi, minam a deihsak takpi na hih manun thupi taktak kongsa hi.

Zonet Writer & Reporter Awards hong ngah ahi, Rev.G.K.Nang, Tg.Thangboi leh Zonet makaite' tungah cidamna, daupaina leh matut gualzawhna in note' tungah a thakin hong om ta hen. Amen.

~Peter Khampu, Kalaymyo

~ end ~

Kei leh kei kipiamawk in Mi dangten hong pia kei leh vote tangkhat bek om velval ding in hong kilangh luakha leh cih lau zel. Phamawh beek kei ( phamawh ihsakte phamawk beek kei ihcih sese ) 2010 ah cilo dia. Pu. Hang Khan Lian in hanciam ning cisawnsawn cileng hehpihna tawh nang nakhawlphot ve... cihtheih lah himawklo lamdawt tawn in khiang ning cihlah omtheilo...Naak hahkat mahmah kulmawk in ciai...
Guai...ZoNet sung aa, lai agelh mello Zomi laigelh siam pawlkhat zongh 2010 sung ah hong kipan ding cih zahiauhiau ing in article hoihnono ihkep khinkhiante sungkhia ngeingai leng hilo ding ahia...ZoNet sung hong nuamtetek ve maw.

Cinpi ( Hello! Zomi ) , Sweden

~ end ~

Lungdampihna leh angtanna ong puak ing. Maikum peuhmah ciangbel ci adam leh ka hanciam mahmah kulmawk in ciai. Mipi in zong akilawm ding telsiam mahmah hang ei. Hihbang ong vaihawm Zonet Pu tetung lungdam na zong apuak kawm hipah hang. Minam sung kalsuanna nuam to semsem sa-ing.

Hang Khan Lian, Singapore

~ end ~

Democracy huih dikkha hiauhiau ta hang ei. Tutung-a pen ZONET min tawh a ki bawl Poll khempeuh lakah tam a ki vote pen hi in lungdam huai phadiak sa ingh. Hibang-a kumkhat khit kumkhat vote pia ih tam tektek na pan in, Zomite kumkhat khit kumkhat ih ki pumkhat tektek nate ki mu thei a hih man-in, Zomibup ih hamphatna te selcip theihloh ih mit-tawh ih muh theihta hi.

Hibang leadership hoih hong pankhia ZONET pute leh vote pia mimal khatciat pen Zomite ki pumkhat nang hong pankhia Pioneers leh Ih Heroes te uh a hihi. Maikum ciang a kicingzaw leh a nuamzaw tawh hong makaih tosuak ding-uh lam-et na lianpi ih nei hi.

A tawpna ah, Pu G. K. Nang leh Pu Thangbawi te ih lungdampih hi. ZONET member Tulthum dektak lakpan khattuak bek a ki tel vilvel a hih man-in angtang huai leh kipak huai mahmah hi. Pu G. K. Nang leh Pu Thangbawi damsawt hen. Ki pumkhatna lam a manawh Zomite hang -a, a lungdam khinkhian.

Andrewkhai, Florida

~ end ~

Congrats to Rev GK Nang and ML Thang on winning this prestigious Zonet Award 2009. My opinion on the winners?  They both totally deserve it.  Both write every other day on the network, original pieces and/or breaking newsy stuff.  Their writings can be found in most Zomi websites.  While ML Thang covers Myanmar in general and Yangon specifically, Rev GK Nang covers Zomi news in India, in general, and Aizawl, Mizoram specifically.

Carey Suante, New Delhi

~ end ~

~ end ~

azom behlap lai ding...

Comments (0)

Name

Comment

smaller | bigger

Write the displayed characters

Add Comment