|
||||
| Lt - General Tha Aye (Ministry of Defence) Chin State khualzinna |
|
Tedim myone, Tonzang myone, Cikha myone, leh Rih myone lam pan in zong U LIan te in a mau' myone a kisam khempeuh pulak na nei uh hi.Tua a ki pulak khempeuh limtak in hong ciap teh sak uh hi. Tua khit ciangin Bogyoke( General ) Tha Aye in biak na lam Pastor te tawh ki muh na zong hong tuam nei pih lai a, thu dot na tuam tuam leh Lai Siangtho in hong uk kumpi te thu na mang un a cih bangin, kumpi tawh na sem khawm, ki pawl khawm a om ding leh gam gi lam a lang pang a om te zong a hi thei bang  a hong ciah kik nang vua ih sap kik ding te ki sam mah mah hi.Tedim khua zong pil na lam, sum bawl sum zuak na lam,cidam na lam leh kizop na lam te ah zong khang to mah mah ta a hih man in, ih gamsung ki lem nang, khantoh nang leh ki it ki lem nang in han ciam in mapang khawm ni ci'n thu hong gen a, a tawp na ah Pasian na sem te tampi hong ki zasak hi na pi in, pawlpi ( 6 ) pan in mi ( 6 ) bek ki hel thei in, tua mi ( 6 ) teng pen sum Ks. 50,000/- ta letsong in hong pia a, kumpi te dingin zong thu hong ngetsak un hong ci hi. Ko tua sum Ks. 50,000/- ta a ngah teng zong ih zing tha tungmawh kei ei guai ci'n lungdam tak in ko leh ko ka nui ngeingai uh hi. Bogyoke pa in zanhal in Hakha ah zogam khantoh na dingin, Cikha pan in Khampat lampi thak leh Hakha pan in Kalaymyo short-cut tawh pai na lampi thak tai 67 gamla kumpi'n hong tawh sak ding hi cih thu zong Hakha a, a gen te ka na za sawn hi. Tedim ah Office pawl khat leh niangteh lei zong a et khit ciangin, Bogyoke Tha Aye leh a pawl te tuni 11:30 a.m pawl in Tedim pan in Kalaymyo lam tuak suk kik ta uh hi. N.B:: Tu-a Bogyoke Tha Aye leh a lawm te hong pai na pen zomi te a dingin met na om ve ve in ka um hi. Gtn. in Cikha a U Lian pa I pulak thu te pen, na thu pulak tawm lua, a khang to nai lo a hih man in pulak ding tam pi om lo maw, gen ding dang om nawn lo maw, ci'n leh dot kik bilbel hi. Thupuak - Fr. Go Lian Read related news about Lt.Gen Tha Aye's trip in Chin State 
Bookmark
Email this
Hits: 418 Comments (5)
a guest
said:
|
Lt - General Tha Aye (Ministry of Defence) leh a pawl te Hakha, Falam,Tedim hong zin uh hi. Tedim ah Nov. 5, 2009 Thursday ni 5:30 p.m in hong tung uh hi. Mawtaw 20 pha a, a mau hong pai teng mi ( 60 ) val pha uh hi. Nov. 6, 2009 Friday 7:00 a.m in Office tuamtuam pan U Lian te, NGOs te, khua nu/pa te, numei kipawl na te, biak na lam pastor te tawh ki muh na om hi. |
... Tedim pan bang mah ki ngen lo maw, mi nget teng leh mi ngah teng bek atheih pih maw,nget theih na ding hun ong hong lo maw,a ngen ding te ki pum khat lo, ki thu tuak lo zaw maw,tu aa ih gen sa sung pan hi leh ih mipi phat tuam na ding bang mah om ka sa kei hi.(Tedim khuapi aa ding kagen nopna hi.) |
a guest
said:
|
... Pasian hong piaksa thuphate bang mah tawh ki khek theih hi lo hi. Ong pai laiding thupha te, ih ngahtheihna ding mun lampi theilo a.....hai ciakciak ki tam mahmah hi. Na ut zong, ut kei zong - 2010 election ong om veve ding hi. Na en mah dih ve. Tua Kumpi te kiang pan ih ngah theih ding a om te, na lak kei leh mihai na hi ding hi. A mau a ut teng sem veve ding hi. |
a guest
said:
|
... Major General Thar Aye’s Pre-election Campaign in Chin State Major General Thar Aye, accompanied by other officials went to Tedim from Haka on November 5, 2009 at 5:30 pm. They went there with 20 motor cars and 60 members. He held a meeting with government officials, NGOs, Township elders, women affair association and church pastors on November6, 2009 at 7:00 am. Officials from Tedim township, Tonzang township, Rih township and Cikha township attended the meeting and presented their township’s necessaries. All presentations were carefully recorded. Major General Thar Aye met with the pastors separately and ask information, urge them to obey the government according to the Bible (Everyone must obey the state authorities, Romans 13:1), to cooperate with the government and the need to persuade the opposition groups active in border area to return to legal fold. Moreover, he expressed that development in education, business, health, communication, therefore, peace and cooperation is needed. Though many pastors were informed to attend the meeting, only 6 pastors attended and were presented 50,000 kyats each and requested to pray for SPDC. The pastors joked and laughed at each other that the morning wage, 50,000 was so handsome. The convoy proceeded to Kalaymyo on afternoon. Genenal Thar Aye was former Commander of North West Command. He has been holding the policy to oppress Zomi (Chin) since he was a North-West Commander. He was just seeking support from the people in Chin State for the coming election.It was the first time that military regime met with the religious leaders in Tedim since 1988. Most of the pastors did not attend the meeting as they were reluctant to meet the general There have been so many Human Right Violations and religious persecutions in Chin State under military regime By Moses |
a guest
said:
|
... Zum huai ei. Lampi khat peuh , 50000, district min pua khua khat min peuh tawh Zomi te ding Pasian hong piaksa thuphate tawh khek sawm maw.. |
a guest
said:
|
... Kumpi te kiang ah...na tampipi ih nget hun ding h i ei. Cikha - Khampat lampi ong tawhsak ding uh a hih leh lungdam huai petmah hi. Tedim-Cikha lampi zong hoihtak a ong puahsak ding leh, Tedim district ong piakna ding ...2010 election kibawlma teitei a ong vaihawm ding - Zogam a om makai ten hahnget mahmah le uhteh a hoih ding hi. |
Write comment
